شراب خدماوى ( أول موضوع ليا )

صديق عدد المساهمات : 21 تاريخ التسجيل : 26/06/2011

[ندعوك للتسجيل في المنتدى أو التعريف بنفسك لمعاينة هذه الصورة]

ينزل خدماوى طالب بالخدمة الاجتماعية من الميكروباص أمام بوابه الكلية ويحمل شنطة (اصل اخر يوم في الاسبوع ومروح الغسيل البلد والحاجة والدته حتغسله الهدوم على الفول أتوماتيك) فيجد أمامه طابور لا نهاية له
خدماوى : هو فيه ايه هما بيبيعوا عيش هنا ولا إيه؟؟
يرد احد افراد الحرس الواقفين : لا يا حبيبي ده امن ومتانه
خدماوى: يا نهارابيض امن ونتانة ده الغسيل اللي معايا كلة وسخ
الشرطة : انت ح تهزر... افتح الشنطة ديه وريني فيها ايه

خدماوى : أنا بحذركم جميعاً في حالة فتح الشنطة أنا مش مسئول على اللي حيحصل

الحرس : افتح يازفت بلاش لماضا

خدماوى : أنا محدش يقولي افتح

الحرس : يعني زعلت لما قولتلك"افتح".. وعجباك "زفت" والله أنت شكلك مجنون
خدماوى (بعد ما بلع ريقه وشجع نفسه وأخد نفس جامد) صرخ وقال: المادة 317 في اللائحة الطلابية بتقول "ان مهمة حرس الجامعة التابع لادارة الكلية ويلبس زي عليه شعار الجامعة هو الحفاظ علي المنشآت والامن العام"

يبقى مش من حق حضرتك تفتشني .. وبعدين ده غسيل يا سعادة البيه وملابس داخلية وحاجة تكسف وكمان هدوم خدماوى متتكشفش على رجالة أبداً .. عيب يا بيه هدوم الراجل زي عود الكبريت و...

لم يستطع خدماوى أن يكمل فقد تم إغلاق بوابة الكلية بالجنازير وإلتف حوله ثلاثة من افراد حرس الجامعة وحملوه إلى مكتب ضابط يحمل علي كتفيه عدد لا حصر له من النجوم والنسور فأمرهم بفتح الشنطة بالقوة.

وبمجرد ما يخرج احد افراد الامن "فردة"من شربات خدماوى حتي تغير المشهد تماما .. فمنهم من سقط مغشيا عليه وبعضهم جرى مفزوعاً وآخرون توسلوا إليه أن يدخلها للشنطة كما كانت.

ولم يستجيب خدماوى إلى توسلاتهم إلا بعد أن وجد الطلبة يهتفون:

يا خدماوى شيل الشراب .. عيشتنا بقت هباب

ارمي الشراب بنبوس إيديك .. وحنجبلك غيره غن كان يرضيك

لوجه الله اعتقنا .. شرابك سود عيشتنا.

عاوزين نسمع رأيكم ...............لان رايكم يهمنى
party