هنعوض الوقت اللي فاتنا بإذن الله .. إيدك في إيدي .. هنزود حماسنا وننسي الكسل والفتور دي فرصتنا يا شباب..
انت متخيل فضل ربنا ورحمته وكرمه أد إيه ؟ متخيل جبال الحسنات اللي ممكن نجنيها بفضل الله ؟ متخيل حجم الذنوب اللي ممكن نمحيها بإذن الله؟
مــش هنسمــح لنفسنــا نضيــع الفرصــة دي أبــدا بــإذن الله
تخيل معايا لو أن ملك من ملوك الدنيا بيبص من القصر بتاعه مرة في السنة وبيلقي أموال وجواهر للناس... يا تري استعداد الناس لليوم ده هيبقى شكله إيه ؟ [ندعوك للتسجيل في المنتدى أو التعريف بنفسك لمعاينة هذا الرابط]
ولله المثل الأعلي..
ما بالك بمالك الملك وملك الملوك سبحانه وتعالي يغدق علي عباده المغفرة والرحمات.. واحنا عباد فقراء محتاجين لرحمة ربنا ومغفرته... [ندعوك للتسجيل في المنتدى أو التعريف بنفسك لمعاينة هذا الرابط] محتاجين مغفرة لذنوبنا الكتيرة محتاجين العتق من نار جهنم
محتاجين الجنـــــــــــــــــــــــــــــة الجنة اللي عايشين حياتنا كلها علشان نوصل لها الجنــــــــة يا شبــــــــاب..اللي بتفتح لنا أبوابها في شهر رمضان
[ندعوك للتسجيل في المنتدى أو التعريف بنفسك لمعاينة هذا الرابط] حبيبك صلي الله عليه وسلم يقول في الحديث الصحيح: (ألا إن سلعة الله غالية ألا إن سلعة الله الجنـــــــــــــــــــــة )..
ويقول كمان صلي الله عليه وسلم: ( إذا جاء رمضان فُتحت أبواب الرحمة وغلقت أبواب النار وصفدت الشياطين) متفق عليه.. [ندعوك للتسجيل في المنتدى أو التعريف بنفسك لمعاينة هذا الرابط] دي اللحظة اللي احنا منتظرينها يا أخي.. لأن احنا مش هندخل الجنة بعملنا أبدا...مش هندخل الجنة إلا برحمة الله سبحانه..
وقال صلي الله عليه وسلم: (إذا كان أول ليلة من شهر رمضان صفدت الشياطين و مردة الجن و غلقت أبواب النار فلم يفتح منها باب و فتحت أبواب الجنة فلم يغلق منها باب و ينادي مناد كل ليلة : يا باغي الخير أقبل و يا باغي الشر أقصر و لله عتقاء من النار و ذلك كل ليلة).. الحديث حسن.. [ندعوك للتسجيل في المنتدى أو التعريف بنفسك لمعاينة هذا الرابط]
بس خللي بالك..
مش معني أن رمضان شهر عظيم فيه من الفضل الكثير ما شاء الله أننا بمجرد حلول الشهر هنكون الطائعين العابدين واحنا طول السنة عمالين نعمل معاصي وذنوب ونيجي في رمضان نتغير 180 درجة.. [ندعوك للتسجيل في المنتدى أو التعريف بنفسك لمعاينة هذا الرابط] لازم يبقي عندنا استعداد..
علشان ما نقعش في أول الشهر والعياذ بالله نلاقي نفسنا مش قادرين نكمل علي العبادة بتاعتنا...
علشان كده قلنا لازم نستعد من دلوقتي..
ده حتي دلوقتي يعتبر متأخر وكان المفروض نستعد من ساعة رمضان اللي فات ما خلص..
بس هنبدأ يا أخي ومش هنيأس إن شاء الله...
يا بـــــــــــــــاغي الخير أقبل [ندعوك للتسجيل في المنتدى أو التعريف بنفسك لمعاينة هذا الرابط] اللي منتظر رمضان علشان يختم القرآن فيه ويكمل بعد رمضان .. يبدأ دلوقتي ولو بجزء بسيط اللي منتظر رمضان علشان يتعلم يغض بصره .. يبدأ من دلوقتي اللي منتظرة رمضان علشان تلبس الحجاب الصحيح .. تبدأ من دلوقتي اللي منتظر رمضان علشان يبدأ قيام الليل .. يبدأ من دلوقتي ولو بركعتين اللي منتظر رمضان علشان يبر والديه ويعاملهم كويس .. يبدأ من دلوقتي [ندعوك للتسجيل في المنتدى أو التعريف بنفسك لمعاينة هذا الرابط] ابدأ يا أخي حالا ما تنتظرش ولا لحظة
احنا عمرنا مش بإيدنا...مانعرفش هنعيش لغاية رمضان ولا لأ
أول حاجة نستعد بيها بإذن الله علشان الشهر الكريم هي ...التوبة ...
[ندعوك للتسجيل في المنتدى أو التعريف بنفسك لمعاينة هذا الرابط] هتتوب امتي ؟ مش خسارة عليك أن ربنا يعفو عن مئات الألوف من المسلمين ويعتق رقبتهم من النار..وأنت لسه زي ما انت علشان ذنب مش قادر تقلع عنه ؟؟!!
وأي خسارة يا أخي !...دي مش خسارة دنيا...دي آخرة يا أخي ..
خاب وخسر اللي يعرف أن الله سبحانه يفتح لعباده أبواب الجنة وهو مصر أنه يعصي ربنا ليكون من أهل النار !
تب يا أخي من الآن..
تب علشان يكون رمضان فعلا بداية بيضاء.. [ندعوك للتسجيل في المنتدى أو التعريف بنفسك لمعاينة هذا الرابط] كام رمضان مر علينا قبل كده وحاولنا نحسن نفسنا فيه بس رجعنا تاني بعده للأسف.. خللي توبتك المرة دي مختلفة...عاهد الله تعالي أنك هتتوب ومش هترجع تاني للذنوب بإذن الله.. [ندعوك للتسجيل في المنتدى أو التعريف بنفسك لمعاينة هذا الرابط] وإياك تيأس !
مهما كانت ذنوبك كتيرة ومش قادر تتخلص منها...يقول الودود سبحانه ( وَرَحْمَتِي وَسِعَتْ كُلَّ شَيْءٍ ) (الاعراف 156)
...ذنوبك دي يا أخي مهما كبرت هي شيء...رحمة ربنا تسعها بإذن الله..
[ندعوك للتسجيل في المنتدى أو التعريف بنفسك لمعاينة هذا الرابط] بالله عليك يا أخي...جو رمضان ده..مش بيشجعك علي التوبة ؟؟ جو العبادات والروحانيات ده مش بيشجعك تترك المعاصي ؟؟
شباب كتير أوي كانت توبتهم وبدايتهم الحقيقية في رمضان..
ليه ماتكونش أنت زيهم ؟؟ ليه تكون من اللي بيعصوا ربنا حتي في رمضان !
يللا يا أخي أنا وأنت وكلنا نتوب إلي الله الليلة دي قبل بكرة... يللا بقي مشتاقين نرجع لربنا... مش عايزين صيامنا السنة دي إن شاء الله يكون زي كل سنة...السنة دي هنصوم صيام المحب لربه سبحانه وتعالي
[ندعوك للتسجيل في المنتدى أو التعريف بنفسك لمعاينة هذا الرابط] تانــي حاجــة عايزيــن نستعــد بيهــا لرمضــان ... ..استثارة الشوق إلي الله تعالي..
علشان نحس بلذة العبادة اللي بنعملها بإذن الله...علشان نكون بنطيع الله سبحانه وتعالي واحنا عندنا الشوق والرغبة في الطاعة..وده الفرق بين المؤمن والمنافق...
المؤمن بيطيع الله تعالي بشوق ونشاط...لأنه بيحب ربنا سبحانه وتعالي وصادق في عمله.. بينما المنافق بيقوم للطاعة في كسل وخمول..
وعلشان نغرس في قلوبنا الشوق ده عندنا شوية عوامل مهمة ..
أولا : تلاوة القرآن بنية الكلام مع الله تعالي..
اقرأ كلام الله تعالي... ماتخليش همك في التلاوة أنك تختم وخلاص...تفكر يا أخي وتدبر...لأن الطاقة الحقيقية اللي بتعيننا في كل طاعة وكل فضيلة وكل خير هو كتاب الله تعالي... [ندعوك للتسجيل في المنتدى أو التعريف بنفسك لمعاينة هذا الرابط] اقرأ آيات الرحمة والمغفرة فاسأل الله أن يعفو عنك.. اقرأ آيات وصف الجنة فتأمل وادع الله أن يرزقك.. اقرأ آيات وصف النار والعذاب فابك من خشية الله واسأله أن ينجيك.. اقرأ وتدبر يا أخي..
حاول تخللي عندك ختمة للقراءة زي كل سنة...وختمة كمان للتفسير.. أو حتي وأنت في ختمتك تجيب معاك ورقة وقلم..وكل ما تقابل كلمة مش عارف معناها اكتبها... وبعد كده ابحث في كتب التفاسير واكتب المعني..وخلي الورقة تكون مرجع ليك علي طول علشان تفهم القرآن بالمعاني الصحيحة بإذن الله..
ماتخليش قراءتك لكتاب الله تعالي قراءة عادية..
استشعر يا أخي انه وحي من السماء..استشعر أنه خطاب الله تبارك وتعالي لنا من فوق سبع سماوات...استشعر إزاي الرسول صلي الله عليه وسلم كان بيقرأه...استشعرإزاي نزل بيه جبريل عليه السلام...استشعر إزاي اتعلمه الصحابة رضي الله عنهم من فم الرسول صلي الله عليه وسلم.. [ندعوك للتسجيل في المنتدى أو التعريف بنفسك لمعاينة هذا الرابط] الموضوع أكبر يا أخي من الختمة فقط...علي ما فيها من الثواب العظيم طبعا... علشان شوقك للطاعة يزيد إن شاء الله..
ثاني حاجة هي ... مطالعة أسماء الله الحسني وصفاته العلي وتدبرها ..
ربنا سبحانه وتعالي أنزل أسماءه الحسني علشان ندعوه بها..يعني تكون أسماء الله الحسني هى وسيلتك للتقرب إلي الله تعالي..تكون عدتك في ذلك...
اعرف أسماء الله تعالي وصفاته سبحانه...اعرف معانيها وتفاعل مع آثارها...
عن أبي هريرة رضي الله عنه أن رسول الله صلى الله عليه وسلم قال: ( إن لله تسعة وتسعين اسما، مائة إلا واحدا، من أحصاها دخل الجنة) "صحيح البخاري".. [ندعوك للتسجيل في المنتدى أو التعريف بنفسك لمعاينة هذا الرابط] والعلماء فسروا إحصاء أسماء الله الحسني أنه العد ... التعرف على معانى و دلالة هذه الأسماء ...التفاعل مع آثارها ...
يعني لما تعرف أن الله سبحانه وتعالي هو الودود...يتودد إلي عباده وهو غني عنهم... يعني احنا اللي محتاجين لربنا سبحانه وتعالي وطاعتنا لا تنفعه ، ورغم ذلك فهو الودود سبحانه.. [ندعوك للتسجيل في المنتدى أو التعريف بنفسك لمعاينة هذا الرابط] لما تعرف كده مش ده يزيدك شوق وطمع في فضل الله سبحانه ورحمته ؟؟
لما تعرف أن الله هو الغفار.. قادر أنه يهلكنا جميعا بمعاصينا لكنه يغفر لنا ..ويعفو عنا... لما تعرف أن الله تعالي هو الرقيب ... الجبار ... المنتقم ...
مش ده يزود عندك الخوف والخشية من الله تعالي ؟
دائما استحضر أسماء الله الحسني...ادع الله واسأله بها..وتفكر فيها.. صدقني هتفرق معاك..
ثالث حاجة أنك ... تعرف نعم الله تعالي عليك وآلائه..
شوف ربنا سبحانه وتعالي وهبك قد إيه من النعم,,,ومع ذلك احنا برضه بنعصي... وبنعصي بنعم الله علينا.. ده بدل ما نشكر ونحمد ربنا عز وجل ؟؟!!
ده حتي الشكر علي النعمة هو نعمة أصلا اللهم لك الحمد كما ينبغي لجلال وجهك وعظيم سلطانك..
ثالث حاجــة عايزيــن نستعــد بيهــا لرمضــان ... التحسر والندم علي فوات كل عمرنا ده في غير طاعة الله تعالي..
[ندعوك للتسجيل في المنتدى أو التعريف بنفسك لمعاينة هذا الرابط] يعني شوف كام رمضان عدي علينا قبل كده...كان ممكن نستغلهم أحسن.. وحتي غير رمضان...
ليه يكون الطبيعي عندنا هو المعاصي ؟ ليه ما نخلليش الطاعة هي همنا الأول ؟؟
ليه ننتظر لغاية ما نتحسر علي ضياع الفريضة ؟ ليه ما يبقاش أسفنا علي ضياع السنة والنافلة ؟!
[ندعوك للتسجيل في المنتدى أو التعريف بنفسك لمعاينة هذا الرابط] ودائما تذكر من سبقوك... تذكر حال الصحابة رضوان الله عليهم وكيف كانت همتهم في الطاعة والعبادة.. وبعدهم التابعين...
حتي تذكر أحوال الصالحين في أيامنا هذه...شوف همتهم عاملة إزاي... ليه نرضي أننا نكون في المؤخرة ؟ ليه نتخلف مع القاعدين ؟
يقول الله تعالي: ( وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ) ( آل عمران133 )..
الأربعاء أكتوبر 05, 2011 5:04 pm من طرف 
